haymard

Երեքշաբթի, 23 Հունվարի
HayMard.am

ՋՈՆ ԿԻՐԱԿՈՍՅԱՆ

Պատմաբան , Պետական գործիչ

Ծնվել է՝ 06/05/1929 - Մահացել է՝ 20/06/1985

Կենսագրությունը

ԿԻՐԱԿՈՍՅԱՆ Ջոն Սահակի (6.5.1929, Երևան – 20.6.1985, Մոսկվա, թաղված է Երևանում), պետական գործիչ, պատմաբան: Պատմական գիտությունների դոկտոր (1966), պրոֆեսոր (1969): Ա.Ջ. Կիրակոսյանի հայրը: Ավարտել է ԵՊՀ միջազգային հարաբերությունների ֆակուլտետը (1951): 1966–69-ին՝ ՀԽՍՀ Նախարարների խորհրդի ռադիոհաղորդումների և հեռուստատեսության պետական կոմիտեի նախագահ, 1969–75-ին՝ ՀԿԿ կենտկոմի գիտության և ուսումնական հաստատությունների բաժնի վարիչ, 1975–85-ին՝ ՀԽՍՀ արտաքին գործերի նախարար:

"(նյութը տրամադրել  է «ՀԱՅԿԱԿԱՆ ՀԱՆՐԱԳԻՏԱՐԱՆ» հրատարակչությունը)"

Գործունեությունը

Կիրակոսյանի աշխատությունները վերաբերում են հայ ժողովրդի նոր և նորագույն պատմությանը, Հայկական հարցի, Հայոց ցեղասպանության, հայ ազգ-ազատագրական շարժման խնդիրներին («Առաջին համաշխարհային պատերազմը և արևմտահայությունը», 1965, «Բուրժուական դիվանագիտությունը և Հայաստանը», հ. 1–2, 1978–80, «Երիտթուրքերը պատմության դատաստանի առաջ», հ. 1–2, 1982–83, ՀԽՍՀ Պետական մրցանակ՝ 1985): Կազմել և խմբագրել է (Ռ. Սահակյանի հետ) «Հայաստանը միջազգային դիվանագիտության և սովետական արտաքին քաղաքականության փաստաթղթերում (1828–1923)» (1972) ժողովածուն, որտեղ ամփոփված են Հայկական հարցին վերաբերող կարևորագույն փաստաթղթերը:

Երկ: Западная Армения в годы первой мировой войны, Е., 1971;
Буржуазная дипломатия и Армения (70-е гг. XIX века), Е., 1981;
А. К. Дживелегов и его историческопублицистическое наследие, Е., 1986. 

"(նյութը տրամադրել  է «ՀԱՅԿԱԿԱՆ ՀԱՆՐԱԳԻՏԱՐԱՆ» հրատարակչությունը)"

Նկարները
Տեսանյութերը

Մեր Ջոնը

Մեր Ջոնը

Օգտագործող Գաղտնաբառ