haymard

Երկուշաբթի, 22 Հունվարի
HayMard.am

ՎԱՐԴԱՆ ԻՇԽԱՆԻ ՄԻԼԻՏՈՍՅԱՆ

Ծանրամարտիկ

Ծնվել է՝ 08/07/1950 - Մահացել է՝ 04/29/2015

Կենսագրությունը

Վարդան Միլիտոսյանը ծնվել է 1950 թվականի հուլիսի 8-ին՝ Գյումրիում: Նա ծառայել է խորհրդային բանակում, ավարտել է Գյումրու Մ. Նալբանդյանի անվան պետական մանկավարժական ինստիտուտը:
   Վարդան Միլիտոսյանը զինծառայության ժամանակ՝ 1964 թվականից մարզվել է ԽՍՀՄ անվանի ծանրորդ և մարզիչ Հակոբ Ֆարաջյանի գլխավորությամբ: Նա տպավորիչ հաղթանակներ է տարել միջազգային ամենահեղինակավոր մրցաշարերում:
   1980թվականին Միլիտոսյանը դադարեցրել է կարիերան և անցել մարզչական գործունեության: Նա երկար տարիներ մարզիչ է եղել Գյումրու Յուրի Վարդանյանի անվան ծանրամարտի մարզադպրոցում:
   Կյանքի վերջին տասնամյակում, սոցիալ-տնտեսական պայմաններից ելնելով, աշխատանքին զուգահեռ Վարդան Միլիտոսյանը կատարել է ուղևորափոխադրումներ՝ Գյումրիից Ռուսաստանի դաշնություն:

Գործունեությունը

Գյումրիում ծանրամարտը յուրահատուկ մարզաձև է: Եվրոպայի, աշխարհի առաջնություններում ու օլիմպիական խաղերում գյումրեցի ծանրորդները միշտ փայլել են լավագույն ցուցանիշներով՝ այդ թվում նաև Վարդան Միլիտոսյանը:
   ԽՍՀՄ հավաքականի 75կգ քաշային կարգի առաջատարը դարձել է Եվրոպայի կրկնակի չեմպիոն, օլիմպիական խաղերի արծաթե մեդալակիր (1976թ.), աշխարհի հնգակի ռեկորդակիր է:
   Վարդան Միլիտոսյանը տասնյակ հաղթանակներ է տարել համամիութենական առաջնություններում և միջազգային մրցաշարերում: Նրա շնորհիվ Հայաստանում դարձյալ վերսկսվել է ծանրամարտի վերելքը:
   Սպորտին հրաժեշտ տալուց հետո Միլիտոսյանը համալրել է հարազատ քաղաքի ծանրամարտի մասնագիտացված մարզադպրոցի մարզիչների շարքը, իսկ 1996 թվականին դարձել է տնօրեն:
   Նա իր հետքերով է տարել նաև հորեղբոր որդուն՝ Իսրայել Միլիտոսյանին, ով դարձել է աշխարհի և Եվրոպայի բազմակի չեմպիոն, օլիմպիական խաղերի ոսկե և արծաթե մեդալակիր:
   Վարդան Միլիտոսյանի մահը խոր վիշտ էր ամբողջ Գյումրու և բոլոր մարզասերների համար:
   Մեծանուն բռնցքամարտիկ Մեխակ Ղազարյանն ընկերոջ մասին ասել է.
   «Նա Գյումրի քաղաքի առաջին ծիծեռնակն էր, ով կարողացավ օլիմպիական բարձունքի հասնել: Նա հասարակ մարդ չէր, ԽՍՀՄ վաստակավոր մարզիչ էր, ում սանը՝ Իսրայել Միլիտոսյանը օլիմպիական յոթ մեդալ բերեց»: 

Տեսանյութերը

«Մենք ենք, մեր քաղաքը» Վարդան Մի...

Վարդան Միլիտոսյան...

Օգտագործող Գաղտնաբառ