Մեծանուն Հայեր

ՀԵՆՐԻԿ ԽԱՉԱՏՐՅԱՆ

Ծնվել է՝ 22/05/1939 - Մահացել է՝ 06/08/1998

Կենսագրությունը

ԽԱՉԱՏՐՅԱՆ Հենրիկ Մկրտչի [22.5.1939, Լենինական (այժմ՝ Գյումրի) – 6.8.1998, Երևան, սպանվել է աշխատատեղում՝ դեռևս չբացահայտված հանգամանքներում], իրավաբան: Իրավաբանական գիտությունների դոկտորր (1998): ՀՀ արդարադատության պետական խորհրդական (1997): Ավարտել է ԵՊՀ (1962):

"(նյութը տրամադրել է «ՀԱՅԿԱԿԱՆ ՀԱՆՐԱԳԻՏԱՐԱՆ» հրատարակչությունը)"

Գործունեությունը

1990–91-ին՝ ՀՀ գլխավոր դատախազի առաջին տեղակալ, 1991–93-ին՝ ՀՀ ԳԱԱ Փիլիսոփայության և իրավունքի ինստիտուտի, 1993–96-ին՝ ՀՀ ԱԺ իրավաբանության բաժնի վարիչ, 1996–97-ին՝ ՀՀ սահմանադրական դատարանի դատավոր, 1997–98-ին՝ ՀՀ գլխավոր դատախազ: Աշխատանքները վերաբերում են պետական, սահմանադրական իրավունքի և մարդու իրավունքների պաշտպանության հիմնախնդիրներին:

ՌԴ տնտեսագիտության, ֆինանսների և իրավունքի ակադեմիայի անդամ (1995):

Երկ. Սահմանադրական վերահսկողություն և սահմանադրական դատարան, Ե., 1993:

Իշխանությունների տարանջատում և պառլամենտարիզմ, Ե., 1994:

Հայաստանի Հանրապետության առաջին սահմանադրությունը, Ե., 1997:

Սահմանադրությունը և կոնստիտուցիոնալիզմի հիմնահարցերը, Ե., 1998:

"(նյութը տրամադրել է «ՀԱՅԿԱԿԱՆ ՀԱՆՐԱԳԻՏԱՐԱՆ» հրատարակչությունը)"