Կենսագրությունը
ՊՈՂՈՍՅԱՆ Հովհաննես Գևորգի (12.3.1895, Թիֆլիս – 3.12.1948, Երևան), կրթության, մշակութային գործիչ, խմբագիր: ԽՄԿԿ անդամ 1925-ից: Ավարտել է Թիֆլիսի Ներսիսյան դպրոցը (1916), ՀՊՄԻ (1934):
Գործունեությունը
Վրաստանում խորհրդային կարգերի հաստատումից հետո Պողոսյանը եղել է Թիֆլիսի հայ գրողների միության նախագահը, խմբագրել «Կարմիր ծիլեր» մանկական ամսագիրը, ղեկավարել Թիֆլիսի հայկական դրամատիկական թատրոնը: 1933-ից՝ ՀամԿ(բ)Կ Անդրերկրկոմի մամուլի բաժանմունքի վարիչ. Թիֆլիսում խմբագրել է «Պրոլետար» (հետագայում՝ «Սովետական Վրաստան») հայերեն օրաթերթը, 1934-ին տեղափոխվել է Երևան, նշանակվել «Խորհրդային Հայաստան» թերթի խմբագիր: 1936–37-ին՝ ՀԽՍՀ լուսժողկոմ, 1938-ից՝ արվեստի գործերի վարչության պետ, ռադիոկոմիտեի նախագահ: Միաժամանակ դասավանդել է Երևանի բուհերում: 1946–48-ին` ԵՊՀ ռեկտոր:
Այլ հղումները
