Կենսագրությունը
ՄԻԿՈՅԱՆ Արտեմ Հովհաննեսի [23.7(5.8). 1905, գ. Սանահին (այժմ՝ ՀՀ Ալավերդի քաղաքի շրջագծում) – 9.12.1970, Մոսկվա], ավիակոնստրուկտոր: Տեխնիկական գիտությունների դոկտոր (1959), ԽՍՀՄ ԳԱ ակադեմիկոս (1968, թղթակից անդամ՝ 1953-ից), ճարտարագիտատեխնիկական ծառայության գեներալ-գնդապետ (1967), Սոցիալիստական աշխատանքի կրկնակի հերոս (1956, 1957): Ա. Ի. Միկոյանի եղբայրը: Ավարտել է Մոսկվայի Ն. Ժուկովսկու անվան ռազմաօդային ճարտարագիտական ակադեմիան (1936): 1940–70-ին՝ ինքնաթիռաշինության փորձարար ԿԲ հիմնադիր-պետ (կոչվել է Միկոյանի անունով):
Գործունեությունը
Միկոյանի (Գուրվիչի հետ) ղեկավարությամբ են ստեղծվել ՄիԳ–1, ՄիԳ–3 կործանիչները, ԽՍՀՄ առաջին հրթիռակիր ՄիԳ–19, եռանկյուն թևով ՄիԳ–21, փոփոխելի սլաքաձև թևով ՄիԳ–23 գերձայնային կործանիչ ինքնաթիռները: Միկոյանը ԽՍՀՄ-ում ռեակտիվ ավիացիայի հիմնադիրներից է: Միկոյանի գլխավորությամբ մշակված ինքնաթիռներով սահմանվել են 55 համաշխարհային ռեկորդներ, որոնց զգալի մասը դեռևս մնում է չգերազանցված: ՄիԳ մակնիշի (բազմաթիվ ձևափոխություններով) ռազմական և քաղաքացիական ինքնաթիռներն ամենալայն կիրառումն ունեն աշխարհում (կառուցվել է այդ մակնիշի մոտավորապես 60 հազար ինքնաթիռ և արտահանվել աշխարհի շուրջ 40 երկիր): Միկոյանի անվան փորձարարական ԿԲ-ում (այժմ՝ Միկոյանի անվան ճարտարագիտական կենտրոն) մշակվել է ինքնաթիռների շուրջ 200 նախագիծ, ստեղծվել ավիացիոն և հատուկ տեխնիկայի ավելի քան 120 նմուշ:
Նկարները
Տեսանյութերը
Արտեմ Միկոյան
Հայը - Արտեմ Միկոյան...
ՄԵՆՔ - Արտեմ Միկոյան...
Այլ հղումները
- «Ո՞վ Ո՞վ է» Հայկական Հանրագիտարան
- http://hy.wikipedia.org/wiki/%D4%B1%D6%80%D5%BF%D5%A5%D5%B4_%D5%84%D5%AB%D5%AF%D5%B8%D5%B5%D5%A1%D5%B6
- Арзуманян А. М., Генеральный конструктор А.И.Микоян, М., 1961;
- Арлазоров М.С., Артем Микоян, М., 1978;
- Миг и вся жизнь, в кн. Саркисян А. Е, Армяневоенные ученые, конструкторы, производственники и испытатели XX века, т. 1, Е., 1998.
