Կենսագրությունը
ՀԱԿՈԲՅԱՆ Հակոբ Վահանի [ծ. 12.2.1927, Հոկտեմբերյան (այժմ՝ քաղաք Արմավիր)], պատմաբան: Պատմական գիտությունների դոկտոր (2002): Ավարտել է ԵՊՀ միջազգային հարաբերությունների ֆակուլտետը (1950): 1954–2004-ին դասախոսել է ԵՊՀ-ում: 1962–64-ին եղել է ԵՌՕԼՄԻ-ի պրոռեկտոր, 1969–75-ին՝ Հայկական հանրագիտարանի պատասխանատու քարտուղար, 1979–83-ին՝ ԵՊՀ օտարերկրյա քաղաքացիների նախապատրաստական ֆակուլտետի դեկան, 1958–92-ին՝ Հայկական ռադիոյի և հեռուստատեսության քաղաքական մեկնաբան, 1990-ից՝ «Գլաձոր» կառավարման համալսարանի միջազգային հարաբերությունների և պատմության ամբիոնի վարիչ: Հրատարակել է «Նորագույն պատմություն» (1998) ուսումնական ձեռնարկը:
Գործունեությունը
Հակոբյանի աշխատությունները վերաբերում են Հայ դատին ու Հայոց ցեղասպանության մի-ջազգային իրավական հարցերին, հայրենադարձության պատմական ու իրավական հիմքերին:
Այլ հղումները
