Կենսագրությունը
ԼԻՍԻՑՅԱՆ Դանիել Քրիստափորի [1826, քաղաք Մոզդոկ (Ռուսաստան) – 1893, Թիֆլիս], հասարակական գործիչ, զինվորական բժիշկ, ռուսական բանակի գեներալ, ավագ պետական խորհրդական (1878): Ս.Դ. Լիսիցյանի հայրը: Բժշկական կրթությունն ստացել է Մոսկվայի կայսերական համալսարանում:
Գործունեությունը
1852-ից Լիսիցյանն աշխատել է Թիֆլիսի նահանգում, 1874-ից՝ Կովկասյան ժամանակավոր թիվ 31 զինվորական հիվանդանոցի գլխավոր և Կովկասյան օկրուգային զինվորական բժշկական վարչության բժիշկ: Մասնակցել է 1877–78-ի ռուս-թուրքական պատերազմին: Զորացրվելուց հետո (1878) ծավալել է հասարակական և բարեգործական գործունեություն. Թիֆլիսում հիմնադրել է աղքատների համար անվճար հիվանդանոց:
Այլ հղումները
