Թանգարանային կյանք 2026

Գիրք նվիրելու օրվա կապակցությամբ փետրվարի 19-ին Ալեքսանդր Սպենդիարյանի տուն-թանգարանի դահլիճում տեղի ունեցավ «Գրքարիում» խորագրով զրույց-հանդիպումը երիտասարդ բանաստեղծներ Լևոն Բեժանյանի և Միշա Մանուկյանի հետ, որի ընթացքում հեղինակները պատմեցին իրենց ներշնչանքի աղբյուրի, լույս տեսած գրքերի և սիրելի պոետների մասին։
Ունկնդիրները ևս մասնակից եղան զրույցին ընթերցելով հեղինակների ստեղծագործություններից։ Օրվա խորհրդին հավատարիմ՝ տուն-թանգարանի տնօրեն Մարինե Օթարյանը հրավիրյալ պոետներին նվիրվեց Ա.Սպենդիարյանի մասին պատմող «Հուշեր» գիրքը: Պոետներն էլ իրենց հերթին ամենաակտիվ ունկնդիրներին նվիրեցին իրենց բանաստեղծությունների ժողովածուները:
Հանդիպումը վարեց տուն-թանգարանի կրթական ծրագրերի պատասխանատու Աննա Քոչարյանը: