ԿԱՐԱՍԻՔ

ՍՆՆԴԻ ՊԱՏՐԱՍՏՄԱՆ ԳՈՐԾԸՆԹԱՑԻ ՊԱՐԱԳԱՆԵՐ

Կարասիք խորագրի տակ կներկայացվեն բոլոր պարագաները, որոնք առնչվում են սննդի պատրաստման գործընթացին։ Նույն իրը, տարբեր տարածաշրջաններում, կարող է այլ անուններով կոչվել։


  • ԱՂԱՄԱՆ

    Անահիտ դիցուհու պաշտամունքի հիշողության մնացուկ։
    Աղը որպես կարևոր և հարգի մթերք պիտի պահվեր մայր աստծվածուհու արգանդում։ Յուրաքանչյուր ընտանիք ուներ նմանատիպ աղաման։
    Սարդարապատի ազգագրական թանգարանի հավաքածոյից։

  • ԳԴԸԼՆՈՑ

    Գդալանոց։ Յուրաքանչյուր ընտանիքի խոհանոցում կար փայտյա շերեփների ու գդալների համար նախատեսված աման․ սվորաբար փայտից էր պատրաստվում և ամրացվում էր պատին։
    Սարդարապատի ազգագրական թանգարանի հավաքածոյից։

  • ԳԱԹԱՆԱԽՇԻ

    Յուրաքանչյուր ընտանիք ուներ իր ուրույն գաթանախշին․ այն երբեք ուրիշին չէին տալիս, որովհետև դա իրենց օջախի կնիքն էր։

  • ՏԱՇՏ

    Հացի խմորը հունցելու փայտյա հատուկ տաշտ։
    Տաթև գյուղի ազգագրական թանգարանի հավաքածոյից։

  • ԽՆՈՑԻ

    Կարագ պատրաստելու հատուկ գործիք․
    Մարտակերտի Նիկոլ Դուման ազգագրական թանգարանի հավաքածոյից։

  • ՌՇՏԱՅԻ ԳՐՏՆԱԿ

    Ռշտա, էրիշտա կամ արիշտա․ տնական մակարոն։ Խմորը բարակ բացելուց հետո, նման գրտնակով այն կտրատում են։
    Երևանի Փայտարվեստի թանգարանի հավաքածոյից։

  • ՏԱՊՈՒԽ

    Ծղոտով գործված մեծ ափսեներ՝ տարբեր օգտագործման նպատակով։
    Հայաստանի Մուսալեռանի ազգագրական թանգարանի հավաքածոյից։

  • ՕՋԱԽ կամ ԲՈՒԽԱՐԻ

    Բացի տան մեջ կառուցված օջախից, որոշ շրջաններում նաև կառուցել են պատշգամբում կամ բակում՝ գարնան, ամռան և աշնան ամիսներին եփութուխը դրսում անելու նպատակով։
    Մարտակերտի Նիկոլ Դուման ազգագրական թանգարանի հավաքածոյից։

  • ԵՐԿԱՆՔ և ՀԱՎԱՆԳ

    Երկանքը օգտագործում են արմտիքները փշրելու և աղալու նպատակով․ իսկ հավանգում ծեծում են համեմունք, սխտոր, ևայլն․․․․ ։
    Հայաստանի Մուսալեռանի ազգագրական թանգարանի հավաքածոյից։

  • ԹՈՆՐԱՏՈՒՆ

    Խոհանոց կամ թոնրատուն, իր պարագաներով։
    Գորիսի Ակսել Բակունցի տուն – թանգարանի հավաքածոյից։